Ұлы Отан соғысының 76 жылдығына орай, Соғыс және тыл ардагерлері – құттықталды!

Бүгін, №23 мектеп-гимназиясы әкімшілігі, «Сабақ» бастауыш партия ұйымының мүшелері «Nur Otan» партиясының «Ардагерлерді ардақтайық» партиялық жобасы аясында,  Ұлы Отан соғысының 76 жылдығына орай,  Соғыс және тыл ардагерлері – Вологодский Владислав Георгиевич, Волкова Нинель Григорьевна және Бекбулатов Талғат Каримовичті Ұлы Жеңіс мерекесімен құттықтап,  азық-түлік себетін табыстады. 

Бұл мереке – жанқияр ерліктің, еңселі елдіктің рухы өрлеп, Жеңіс жалауы желбіреген күн. Бүгінгі тәуелсіздік тұғырының берік, еңсеміздің биік болуы да, еліміздің өркендеп, бейбіт өмір сүруіміз де - осы Жеңістің жемісі.

Осынау ерлікке толы Күн - тарихымыздың мәңгілік ұмытылмас парағы болып қала бермек.

№23 мектеп-гимназия ұжымы ардагерлерге темірдей денсаулық пен ұзақ ғұмыр, қажымас қайрат тілейді! Әр күндеріңіз сүйіспеншілік пен ықыластың жылуымен жылынсын!